featured (23)

《秘訣分享》想要肌肉? 唔係喪練就得!

如果有睇我之前嘅blog,應該記得我曾經講過今時今日健身已經變成潮流嘅象徵。健身除左可以練成一身强壯嘅身形之外,唔少男士為博女神歡心亦會去健身操肌肉。但係一講到健身,你會唸起啲咩方法? 相信10個有9個都會去gym擧下啞鈴跟住youtube啲健身片段練大隻,不過原來肌肉訓練唔係我地相像得咁簡單,當中亦有好多不爲人知嘅奧妙,等我地今日一齊黎睇下啦。

  1. 秘訣1:要不時更改健身習慣
    b9d043a10bef377d439946ad06b6d060
    好多人都會有自己固定嘅一套健身動作,但係原來你嘅肌肉亦都會因爲過份熟悉你嘅健身模式而變得懶惰。長期訓練同一套動作只能建立某幾組固定嘅肌肉,所以要不時更改一下健身的套路或者加强重量和難度,才能真正訓練到身體各組肌肉,為身體帶來更多挑戰。

     

  2. 秘訣2:把握健身時機
    12-1-01
    健身同減肥一樣,欲速則不達!唔好以爲不停咁做gym、跑步就可以增加肌肉,其實一般人嘅身體,每天只需要40分鐘的中强度運動。所以你一定要把握每日最佳的運動時間,不多亦不少!有專家指出,運動30分鐘後,身體才會真正開始燃燒脂肪並且建立肌肉。但做太長時間則會使肌肉用力過度,增加受傷嘅機會!

     

  3. 秘訣3:控制有氧運動
    cardio-fit-820x400
    定期進行帶氧運動長遠黎講係一個良好嘅生活習慣,但係如果想專注快速增加肌肉嘅人士就應該盡量避免。點解? 因爲過多嘅運動量反而會吸收左肌肉增長所需要的營養,影響建立肌肉嘅速度。建議每星期只需要進行3-4次帶氧運動,每次20-30分鐘,心率保持於30-150之間。

     

  4. 秘訣4:改變動作與動作之間嘅休息時間
    1-min-tip-logo
    如果你平日係每一組健身動作之間習慣休息2-3分鐘,咁就係時候改變一下啦!唔同嘅休息時間亦都係增加肌肉訓練嘅另一種方法。建議每組動作之間只作1分鐘休息,可以加快喚醒你嘅肌肉組織,增加肌肉訓練嘅難度。

     

  5. 秘訣5:增加肌肉量不代表增磅
    Eating to Gain Mass
    好多人以爲要增加肌肉量等於增加體重,不停大飲大食。其實增加肌肉不等於要增加脂肪,即使你不斷健身,若過份進食高脂肪食物,也很難增加肌肉。

     

  6. 秘訣6:少飲酒
    beer
    最後一點,亦係最多人忽略嘅一點!就係減少攝取酒精!酒精對練肌肉有絕對嘅負面影響,因爲酒精會阻礙蛋白質嘅合成作用,消耗你體内嘅維他命以及礦物質。所以一句講哂「少飲為妙」。

Leave a Reply