46930062 - world flags blowing in the wind on the cloudy sky background

「2017全球最好居住地方」排行榜

香港生活節奏太快、壓力太大就係人都知,但你又有冇幻想過退左休之後嘅生活會係點? 世界權威機構Mercer每年都會列選出全球生活質量調查報告,亦即係「全球最適合居住生活」嘅地方。等我地今日一齊黎探討下啦!就算唔係移民,得閒放個假去玩下都好!

    第10位:悉尼,澳洲
    38dbb6fd5266d016d06450a59e2bd40735fa353a
    悉尼位於澳洲嘅東南海岸,最大嘅優勝之處就係悉尼嘅天氣可算係完美,夏不酷暑、冬不寒冷、日照充足,而且兼備充滿活力嘅經濟。唯一缺點係住屋比起澳洲任何一個城市更昂貴!如果選擇偏遠的地方居住,花係交通上的時間成本亦係較多!

    第9位:哥本哈根,丹麥
    4Corners-HI-SIM-448753-copenhagen-xlarge
    哥本哈根已經多次蟬聯歐洲最環保城市嘅冠軍寶座,過半數的居民的出入都使用單車,而且幾乎所有民居距離最近的巴士站亦不足350米,所以哥本哈根的二氧化碳排放量都遠低於其他等同規模嘅城市。另外,哥本哈根人亦都熱衷於垃圾循環及堆肥處理,節約電力和熱力。從以上多個方面可見哥本哈根嘅自然環境真係無人能及。

    第8位:日内瓦,瑞士
    FRT0000008937D02
    瑞士係一個令人響往嘅地方,除左係好多人心目中嘅醫療養老勝地,亦係全球最好居住嘅排行榜穩佔兩位!日内瓦係瑞士第二大城市,擁有「和平之都」嘅美譽。樹木青翠葱鬱,凡有空地之處,綠草成茵,百花吐艷,非常整齊、潔淨。不得不提,日内瓦亦係2016年全球最佳空氣品質排行第三的城市。

    第7位:法蘭克福,德國
    Frankfurt-Travel-Massive (2)
    法蘭克福係一個有生活品味嘅地方,除左係金融重鎮之外,市内亦有不少藝術館,又有美麗嘅河畔,著名嘅學府以及完美嘅醫院設備。

    第6位:杜塞道夫,德國
    media_802978925
    杜塞道夫德文名爲Dusseldorf,而Dorf是「村莊」嘅意思,因此亦有人稱杜塞道夫為「最大的歐洲村莊」。此村莊集時尚及藝術一身嘅好地方,亦係德國最大嘅海外日本人聚居地,市内有許多日資公司設立,所以平日要食到美味嘅日本菜也沒有難度。杜塞道夫嘅娛樂節目亦算豐富,休閑設施、空氣和水質都令人滿意。

    第5位:溫哥華,加拿大
    City-view-from-Stanley-Park
    溫哥華係加拿大最多元化嘅城市之一,超過5成嘅居住人口其母語並非英語,溝通起上黎就唔怕雞同鴨講啦。另一樣嘅優勝之處就係溫哥華 大多數嘅食肆都係由華人所開,所以homesick嘅時候都可以隨街揾到一啲家鄉嘅味道啦!

    第4位:慕尼黑,德國
    Panorama view of Munich city center
    慕尼黑成爲德國第三個上榜嘅城市,打破大家一直以爲瑞士係最好住嘅國家嘅想法。德國擁有健全嘅醫療制度而且擁有可負擔嘅消費水準,因此獲得大家嘅肯定。除此之外,慕尼黑交通方便,而且非常準時,地鐵車廂整潔。

    第3位:奧克蘭,紐西蘭
    HomepageAuckland-1380x610
    奧克蘭係新西蘭嘅第一大城市,雖然繁華但生活節奏仍然令人覺得舒服,因此成爲新西蘭移民最爲偏愛嘅定居城市。除此之外,奧克蘭亦係世界發達城市中,空氣最清新新嘅城市,景色優美,有美麗嘅港灣同壯觀嘅大橋,擁有「帆船之都」嘅美譽!成功登上第3位當然唔止景色優美,新西蘭社會福利亦十分優厚,奧克蘭基礎設施健全,貧富差異極少,老百姓嘅幸福指數甚高,絕對係移民嘅不二之選!

    第2位:蘇黎世,瑞士
    resized_650x365_origimage_646787
    位於歐洲中部嘅瑞士,不單止係全球最富裕、經濟最發達、生活水準最高嘅國家之一,而且亦有「世界公園」。身爲瑞士首府嘅蘇黎世坐落係阿爾卑斯山嘅腳下,沿住蘇黎世湖畔同埋利馬特河,風景如畫。雖然生活成本相比其他歐洲地方較高,但係好山好水嘅環境下,一樣成爲大家心目中最好住嘅城市之一。

    第1位:維也納,奧地利
    venice
    維也納已經多次成爲Mercer嘅度冠軍而且亦被譽爲「永遠好住嘅地方」!小小嘅一個國家有如世外桃源,唔洗我講大家都知道維也納係「世界 音樂之都」,擁有少少藝術細胞嘅朋友一定好嚮往黎到嘅生活。奧地利首都 – 維也納,人均占有綠地面積近70平方米,四處都花草茂盛,四季飄香。雖然沒有太多新鮮、刺激、又好玩嘅活動,但勝在有生活中嘅平靜及和諧。

Leave a Reply