43217153

保持財政獨立之四大原則

今時今日,唔少情侶都希望可以保持財政獨立。可惜呢個社會風氣要「獨立」真係唔係講咁易。情侶們出街,不論男女都要背負住好多社會嘅標準。男嘅俾錢,女嘅又俾人話老鳳;女嘅俾錢,男嘅又俾人話食軟飯。真係唔怪得知香港人嘅生活壓力比起其他亞洲地區還要大。

如果以後想同煩惱講bye bye的話,以下4大招數可能可以幫到各位!咁以後出街俾錢就唔洗你推我讓啦~

  1. 成立拍拖基金
    如果雙方嘅關係已經穩定,情侶們不妨成立一個「拍拖基金」,咁就唔需要每次食飯都爭拗究竟應該邊個俾錢。基金嘅比例亦唔一定要5/5分賬,建議可按雙方經濟狀況,共同商討一個大家都覺得合適嘅數目就可以。成立基金後,雙份都有份洗嘅錢就可以動用呢個基金嘅錢,如果用唔哂仲可以選擇儲起佢,咁就一舉兩得啦!

     

  2. 自己揾錢自己洗
    俗語有話「辛苦揾嚟志在食」,繼我話應該係「辛苦揾嚟志在買」!每個月辛辛苦苦捱更抵夜賺錢就係為咗當你想要一樣嘅時候可以買得起,唔需要睇人地面色。不過買一啲自己用嘅嘢當然就係要自己比錢啦!咁就可以自己全權決定要買啲咩,而且用得自在,避免不必要嘅爭執。

     

  3. 不要習慣依賴
    比錢嘅時候,對方可能出於禮貌主動提出幫你找數,但係!想要獨立就唔可以形成依賴!當然…如果係一啲特別日子,另一半提出送禮物比你或者幫你找數就冇問題啦。

     

  4. 理財有道
    世界上如果冇左錢呢個煩惱應該會少好多顧慮。所以熱戀中嘅情侶都要一齊好好學習理財,管理好個人收支平衡、建立良好儲錢習慣。當雙方都唔需要擔心對方財政問題嘅時候,咁兩個人嘅感情自然會好啦!

     

Leave a Reply