featured (49a)

向月光族Say No!

2017年有項研究指出每4個人就有一個係「月光族」,更有32%嘅人唔知自己嘅錢洗左去邊。既然係咁,筆者就精選左10個可以令人快速儲錢嘅小方法,等大家都脫離月光族之稱!

  1. 檢查數據用量
    download (1)
    好多香港人都傾向選擇月費較貴的無限上網或其他增值服務,但係實際用量又係咪需要咁多呢? 第一個小貼士,就係重新檢視自己電話同埋上網用量,揀一個真正適合自己嘅月費計劃,取消多餘嘅服務,咁就隨時可以慳到一千幾百啦!

     

  2. 一星期一次「零消費日」
    save-vs-spend
    顧名思義,每星期為自己訂立一日「零消費日」,即係唔出街食飯,唔用錢去買嘢,唔搭車,咁樣一個月之後就會發現可以慳到好多錢啦!唔搭車除左可以慳到錢之外,仲可以當係少量嘅運動,對身心都有益呀!

     

  3. 停一停,唸一唸
    stopandthink_bevel_med
    好多時女人買嘢都係講即興,想買就買。不過原來專家教落,將想要嘅嘢寫低,一個月後再去買,咁會大大減低自己嘅購買欲!一來可以等自己有時間考慮清楚係唔係真係有需要,二黎亦都可以等到減價時再買,一舉兩得!

     

  4. Cash Only
    download
    月光族嘅形成都少不了「先洗未來錢」。要避免,就要盡量使用現金!除左方便每日紀錄自己嘅洗費之外,仲可以防止自己有意無意咁用多左!而且有研究指出,大多數人比現金嘅時候會更加仔細地考慮清楚,咁又可以慳到錢啦!

     

  5. 放棄用名牌產品
    雖然名牌產品比較有保證,但生活上我地冇可能所有產品都用名牌。適當地取捨,可以有效咁節省開支~

     

  6. 減少外出進食
    Cooking healthy meal
    「食」係好多人節省不了嘅開支,尤其以家百物騰貴,隨便食餐飯都要$50-$100。所以,盡可能約朋友見面都約係屋企,煮飯甚至係叫外賣,咁做仲可以節省交通及用餐嘅開支,仲可以係一個寧靜嘅環境下同朋友交流。

     

  7. 明白「想要」同「需要」
    細個大家肯定見過屋企人將啲衫補完又補,補完又補。黎個年代,每樣物品用唔夠1-2年就要換新,大家係換之前應該唸下係唔係真係壞左? 或者用唔到? 養成「唔壞唔換」嘅習慣,等到真正有需要嘅時候先買,就可以避免好多不必要嘅洗費啦!

     

  8. 善用信用卡同會員積分卡
    2018-VIP-Card
    同時提到要避免先洗未來錢,大家應該盡量使用現金付款。但信用卡亦非沒有用途,好多時信用卡同會員卡都會推出優惠,甚至可以用積分換取禮品或現金卷。所以多啲留言身邊嘅推廣活動,隨時慳得到錢之外仲有賺呀!

     

  9. 善用時間,善用技能
    hqdefault
    雖然香港人平時返工都好忙好辛苦,不過大家可以利用一啲空閒嘅時間,利用自己嘅技能/才能去賺取一啲外快。例如,教下鋼琴、畫畫、補習等,積少成多。

     

  10. 投資
    cpf-funds
    投資除左係大家熟悉嘅金錢投資之外,仲可以用錢去投資自己,不斷增值自己,令自己更加「值錢」。

Leave a Reply