50576293 - multicultural group of friends using cellphones sitting in a row

教你10招溝通絕技,同「低頭族」say goodbye!

現今科技發達,使人與人之間嘅溝通技巧不斷下降。如今不管在街道上,飯桌上或是街道上亦隨處可見一群 「低頭族」。整個世界的溝通就仿佛剩下螢幕和螢幕之間的交往。唔想再做低頭族? 擔心因爲面對面傾談會有冷場? 面對住陌生人、新同事或新朋友唔知講咩好? 更恐怖嘅係不知不覺間做左「話題殺手」! 其實傾下計姐,又有咩好怕喎,只要掌握好以下10點就唔洗再怕啦!

1. 從無聊嘅話題開始
無聊嘅話題可以令整個對話變得較為輕鬆,同時亦可以借用一些生活上的話題來拉近距離。例如可以傾下星座、娛樂八卦、新聞熱點、旅行趣事、個人興趣等。無聊嘅話題是最安全的,若要勉强去談論諾貝爾和薩士比亞才會令人覺得奇怪。

2. 找到對方的興趣點
54867178 - child, people and happiness concept - adorable baby
講八卦的同時,我們不妨觀察下對方對甚麽話題感興趣或不感興趣。聊到對方的興趣點,他是會兩眼發光的。這時候,就可順著對方喜歡的話題延伸落去。

3. 對別人發自内心地好奇
很多時候你會覺得冇話題,冇嘢傾,原因是因爲你不但對話題不感興趣且對對方也沒有太多的興趣。
對別人發自内心的好奇,對自己不了解的事感到好奇,這是很重要的一點。

4. 用心聆聽對方的談話
http://marketingland.com
蔡康永説過,每個人聊天的時候都想聊自己,但兩人溝通時切忌不要「你有你講,我有我講」。好多人往往只專注在自己想講的話題從而忽略咗對方。例如呀A一直係到埋怨自己個上司點點點,呀B同一時間又掛住自己個同事點點點。最尷尬嘅係,對方講完你又唔記得佢講咗啲咩。如果想同對方好好溝通,記得要用心聆聽,將對方説過的都放在心裏。

5. 給對方的觀點找點論據
人與人之間的傾談並沒有分輸鸁,鸁了對話卻輸了朋友這種結果相信大家都吾想見到! 所以假設對方講左啲你不同意既説話時,你可以選擇係吾違背個人原則底下,嘗試用另一個角度去消化對方的觀點,甚至可以有技巧地提出個人意見。這樣做不但可形成雙贏的局面,還可令對方感覺你做事成熟且穩重。

6. 保持一定節奏的提問
正所謂,一隻手掌拍唔響,對話亦唔係一個人的事。每當自已講完自己想講既嘢之後,應該適當地將話題拋番比對方,咁樣先可以令談話保持互動性和參與感。

7. 不要輕易否定對方
喜歡說「不」的人實在太多太多了。好多人的口頭禪就是「唔好」、「唔啱」、「唔係咁」。以上三種説法係一個好大嘅缺點,要快啲改咗佢啦!兩個人嘅溝通唔係一場辯論比賽,唔需要一味否定對方。平時返工都俾老細否決得多啦,傾下計姐,冇需要咁認真去分錯與對。

8. 碾壓式聊天法要不得
有些人最喜歡說:「你個啲算得係啲咩?」、「我個啲先叫勁」。無論你講啲咩,佢都會覺得你講嘅嘢微不足道。這種每時每刻都要以比較的方式將對方比下去,最惹人討厭!請小心,千萬不要成爲這種人呀!

9. 肯定對方的談話對你有價值
人係潛意識裏面都渴望得到別人嘅肯定,由此及彼,別人亦渴望我地嘅肯定。當然,肯定對方並不是指隨便地敷衍對方,而是要學會“放低姿態,放下身段”。用欣賞別人的眼光去看身邊的人,會讓你的内心世界充滿歡樂。

10. 説點小秘密讓談話變得輕鬆
29244298 - education concept - male and female students talking at school or college
千萬不要表現得過份離地,亦都唔需要有什麽偶像包袱。偶然分享下下你嘅糯事,等大家得啖笑。除左糯事亦可以選擇講出你嘅狼狽事件、小陰暗,袒露你人性化的部分讓大家較易產生共鳴。千萬不要因爲對方是誰就給自己設限。

 

其實,溝通的竅妙並不是單單有話直説。一個懂得傾談的人,必定有著豐富的個人經歷,超强的知識積累,成熟健康的價值觀,急中生智的反應能力。當然,最重要的是,他會把別人放在心上。

Leave a Reply