40808059 - young  man touching his smooth face after shaving

男士夏日面部保養必讀事項

男士夏日面部保養必讀事項

夏天剎到,除咗衣櫃要轉季之外,面部護膚嘅方法都一樣要微調先唔會油光滿面!邊個話男士就唔需要護膚?尤其係男士皮脂線較女士發達,就更加要注重保養,留意以下夏日面部保養事宜,時刻keep住一副俊肖面孔啦!

潔面重要性
夏天之所以容易油光滿面,全因為溫度高令排汗增加,再混合皮膚上污染物令油脂分泌更旺盛,所以亦更易滋生暗瘡。要防止以上問題,最根本方法就係注意皮膚清潔,日常清潔程序就唔喺度多講了,但必須注意喺進行完大量出汗活動後,要立即用清水洗面排走部分油脂,隨後再喺沖涼前用洗面產品徹底清潔皮膚。

注意保濕
咪以為夏天容易油淋淋就唔駛做好保濕!其實塊面經常出油亦反映皮膚唔夠水份,所以保濕lotion、爽膚水亦唔少得,當然可以用番啲質地比較清爽嘅保濕用品,例如以啫喱狀取代cream狀保濕用品,用完都唔怕太潤太笠而滋生油脂粒。

保持頭髮乾淨清潔
Gel咗個靚頭出街之後當然要徹底洗乾淨,不過冇Gel頭或短頭髮就唔代表可以唔去洗頭!可知道頭髮同面部距離極之近,只要頭髮唔乾淨,油脂會直接癡住塊面而容易生暗瘡,所以除咗洗乾淨塊面之餘都要洗乾淨個頭。

不忽視防曬
雖則部分男士會想曬出一身健康膚色,不過並唔等同可以忽略防曬,面對猛烈陽光,防曬功夫絕對要做足!皮膚長期比太陽曬住,唔只有機會曬傷甩皮,仲可能會曬出斑或出現黑色素沉澱。

Leave a Reply