45601652 - rear view of muscular man lifting dumbbell at the gym

男士必須注意的冬季健身事宜

一到冬天惰性出晒嚟唔出奇,雖則話肥咗都唔怕有厚衫可以遮一遮,但如果想keep住身材唔走樣線條仲喺度,就絕對唔可以偷懶唔去運動做gym!以下列出5項冬季運動健身必須注意事宜,以避免因為冬天健身而出現嘅各種問題。

充分熱身
氣溫下降令人體各個器官保護性降低,同時伸展力降低令關節活動範圍縮小,相對不易舒展。所以冬天健身前熱身就更加冇藉口偷懶,可以通過各項伸展、慢跑等少量練習,令身體輕微進入狀態,避免拉傷肌肉同關節。

衣著適宜
運動裝束要輕便為主相信大家都知,不鍛鍊完畢後除咗要抹乾汗水換去有汗嘅衫之外,建議可著番套連帽衛外套,戴番頂帽防止熱量散失。

保暖鞋子
由於人的雙腳遠離心臟,血液供應相對較少而,而腳部皮下脂肪較薄,所以冬季進行戶外運動最好著番對保暖又透氣嘅運動鞋。

空氣流通
千祈唔好因為怕凍而將健身室嘅窗關到實一實,鍛鍊時汗水分解物、連同消化道排出的不良氣體會引致室內空氣污染局促。如果想到室外鍛鍊,可以揀番向陽光或者避風嘅地方。

調整鍛鍊
冬季寒冷,令脂肪含量增長比其他季節高,容易影響肌肉線條發展,唔想白費塑造線條嘅成果?冬季健身時要提高鍛鍊強度、動作組數同次數,大大消耗體內脂肪以防脂肪積聚。

Leave a Reply