gymtime

科學家教你有效健身的6個要訣

早前提點過大家有關冬季健身該注意嘅事項,相信一向做開gym或者打算開始鍛鍊嘅朋友都有認識。健身好處多多,之不過點樣先至可以有效提升健身效果?以下為大家引述6個已有科學根據嘅健身要訣,不妨參考過再做gym啦!

黃金時間
按照正常睡眠生理時鐘,基於做身體晝夜規律以及核心溫度,做gym訓練嘅最佳黃金時間為下午2:30至夜晚8:30。如果想知道最有效訓練時間,可以搵出自己最高靜止心跳率。

聽歌做Gym
根據英國布魯內爾大學體育及教育學院一項研發現,快速及有節奏嘅歌曲有助令腦電波活躍,減少發放疲倦訊息,所以聽住快歌做gym絕對可以大大增加健身動力。

Skip去拉筋步驟
運動前除咗熱身,唔少人都會連埋拉筋一齊,之不過經過美國疾病控制及預防中心流行病學計劃研究主任有關5次研究,並未發現鍛鍊前拉筋有助提升健身成效,但記住事前warm up仍然重要,以減低拉傷肌肉風險。

3分鐘break
美國東伊利諾斯大學季運動學系指出,阻力訓練之間嘅休息時間應該大約3分鐘,而初學者休息時間則大約4-5鐘,身體好好回復亦都幫助增加健身成效。

訓練後食雞蛋
有操練開既朋友都會飲用蛋白質補充劑,慕求令肌肉線條更出更firm,但原來鍛鍊後只需進食幾隻雞蛋,已經足夠補充體力,當中嘅氨基酸含有有高度生物可利用蛋白質,促進肌肉生長修補。

蛋白質食物
國際運動營養學會雜誌發表研究指出訓練前後3-4個鐘係最佳保充黃金時間,健身前後3-4個鐘內進食含有豐富蛋白質嘅正餐或小食,可以達至最佳健身效果!,

Leave a Reply