四種男士保持體味清新的要抉

擁有一身清新香氣固之然更容易吸引異性,適逢夏天就更加需要保持清香,因為大量出汗產生濃烈男人「味」而嚇親人就唔好啦!如果略嫌直接噴香水或者古龍水浮誇,可參考以下四種方法,幫你保持體味清新:

乾淨衣物
夏天出汗量多,出一出街件衫都感柒晒汗漬同汗臭味!所以要勤洗衫褲之餘,每次出街記得記得唔好懶,換番件已經洗乾淨嘅衫褲,就算冇用香水,陣陣洗衣粉同柔順劑淡香同樣令你身上保持清香。

洗頭
雖則係短頭髮但都要注意清潔,尤其係經常gel頭嘅男士們,試諗下經過長時間後,汗水連同髮泥、髮蠟等混為一體,視覺上已經唔多美觀,再伴隨一陣頭油味…簡直晒扣分。除咗定時洗頭外,亦唔好唔記得洗乾淨耳背同頸背等容易積汗嘅地方。

注意口腔清潔
假設你唔係失咗聲,相信一日24個鐘頭入面都難做到完全唔開口講嘢,試諗吓一開口就有難聞嘅口氣味,原本企喺你隔離都即刻彈開幾丈遠。平常要注意口腔清潔,早晚刷牙同運用牙線之外,都要留意個人身體健康。

香體沐浴露
沖涼同食飯一樣係每一日都必定會做嘅事,所以揀一支啱自己嘅沐浴露絕對係非常重要。坊間上可以搵到一啲標榜專為男士而設嘅香體沐浴露,擠一下即刻聞到陣陣清香之餘,獨特嘅香體配方仲可以減低汗味。

7個上健身房惹人討厭的行為

為keep住一副至fit嘅身型,或多或少都要比啲恆心,除咗戶外運動之外,出入gym房是常識吧!畢竟gym房有冷氣又唔洗怕日曬雨淋,係不少型男嘅進出之地。之不過做gym還做gym,始終係一個共享嘅健身場,點都要有應有嘅公德心,以下列出7個gym房上惹人討厭嘅行為,如果你有份的話記得避免!

香水除臭?
假如你習慣咗噴香水或古龍水除味,做gym的話就要記住先停用,或者你會問做gym出汗唔係應該用香水去蓋住異味?咁你就大錯特錯!當汗水混合香水,氣味難聞程度可以話係意想不到地令人作嘔。

講電話
雖然講電話係一見好正常嘅事,但為咗唔打擾其他專心做緊gym嘅型男美女們,要通訊的話都係用番whatsapp好啲。如果有重要電話,就麻煩你行出gym房先聽吧!

霸佔器材
每種健身器材都有各自嘅建議使用時間配合體能需要,千祈唔好以為自己可以一邊踩健身單車一邊睇書、又或者一邊用跑步機一邊loop Facebook,咪做自私鬼忽略其他健身室user。

Continue reading 7個上健身房惹人討厭的行為

展開新戀情的九個「不」

兩個人能夠相愛係一件美好嘅事,不論你係第幾次拍拖,正所謂每段戀情都是新的,面對剛剛萌芽嘅新戀情,總需要小心翼翼保護,be a gentleman,你需要注意以下九個「不」:

1.不要令對方窐息
明白熱戀時期會想每分每秒痴實對方,見唔到面時亦會check住對方,不過sweet還sweet,雙方都要有自己嘅私人空間,避免因為太緊而令對方窐息。

2.不避免討論重要事項
熱戀時期之所以甜蜜美滿,有可能因為雙方只停留表面嘅美好,甚少討論深入及重要事項而仍然未有拗撬,不過遇到重要事項時,千其唔好因此避之不談,及早了解認清大家期望,往往令關係更加健康。

3.不忽略對方
雖則只係開始咗好短時間,但假如你地已經拍拖超過一個月,而女朋友仍未比你班老死過過目,你必須部署機會好好作一番介紹,比女友肯定同信心。至於家長方面…等雙方ready先都未遲嘅。

4.不要嫌棄
開始咗關係至發現女朋友同想像中有些少出入?千其唔好因為對方滿足唔到你對理想對象嘅要求而有所嫌棄,正所謂無人完美,有瑕疵乃人之常情,咁至係最真實可愛嘅一面。

Continue reading 展開新戀情的九個「不」