5個簡易街頭型男拍照pose

除咗Facebook之外,Instgram可以話係港人經常碌嘅社交app,羨慕其他人影相好睇又多Like?以下列出幾個簡易街頭影相pose,等你輕鬆掌握拍出至型street shot,呃Like自然就冇問題啦!

交叉腳 + 手插褲袋
將雙腳交叉擺,另一隻腳只用鞋尖墊起,除咗可以令全身睇落更顯線條,亦會令人不自覺將焦點移到鞋上,另外配合雙手插袋動作可呈現一種休閒隨性感。

http://z9x9.com/wp-content/uploads/2016/04/6497650.jpg

微側 + 雙手插袋
將身體微微傾側,兩腳輕微擘開至膊頭位置再雙手插袋,pose簡單但經已夠型,如果想再chok 啲可以加番副黑超。建議可以由下而上低炒,營造出增高修長嘅效果。

http://cdn0.mf.techbang.com.tw/system/images/41631/medium/573add0278e73377f3fb448ae859565c.jpg

Continue reading 5個簡易街頭型男拍照pose

「看男人先看雙腳」?!不可不知的保養鞋子知識

睇男人要先睇雙腳?原來英國有報告指出男女第一次約會時女性會最先注意到男士著嘅鞋,皆因對鞋都某程度上反映內在性格;例如鞋污糟代表粗心大意或唔多注意細節、相反鞋乾淨表示井井有條,份人夠細心,想令女士們留低好印象,立即記住以下保養雙鞋嘅知識啦!

同一對鞋咪日日著
著鞋時或多或少都會出汗,即使除咗鞋單單一晚時間都未必可以散濕散味,如果第二日即刻著會令對鞋潮濕而滋生細菌,唔單只發臭仲會縮短對鞋嘅壽命。例如日日著只有大約半年壽命,準備多兩三對鞋輪流更換,可以令鞋嘅壽仲延長最少一倍。

忌懶人除鞋法
相信為求方便(又或者唔想整污糟手),唔小人除鞋時都只會左右腳互踩以整甩對鞋,正所謂貪字得個貧!鞋踭多次咁踩法好易磨損,想錫住對鞋的話都係用手除鞋啦。

Continue reading 「看男人先看雙腳」?!不可不知的保養鞋子知識

男士夏日面部保養必讀事項

男士夏日面部保養必讀事項

夏天剎到,除咗衣櫃要轉季之外,面部護膚嘅方法都一樣要微調先唔會油光滿面!邊個話男士就唔需要護膚?尤其係男士皮脂線較女士發達,就更加要注重保養,留意以下夏日面部保養事宜,時刻keep住一副俊肖面孔啦!

潔面重要性
夏天之所以容易油光滿面,全因為溫度高令排汗增加,再混合皮膚上污染物令油脂分泌更旺盛,所以亦更易滋生暗瘡。要防止以上問題,最根本方法就係注意皮膚清潔,日常清潔程序就唔喺度多講了,但必須注意喺進行完大量出汗活動後,要立即用清水洗面排走部分油脂,隨後再喺沖涼前用洗面產品徹底清潔皮膚。

注意保濕
咪以為夏天容易油淋淋就唔駛做好保濕!其實塊面經常出油亦反映皮膚唔夠水份,所以保濕lotion、爽膚水亦唔少得,當然可以用番啲質地比較清爽嘅保濕用品,例如以啫喱狀取代cream狀保濕用品,用完都唔怕太潤太笠而滋生油脂粒。

保持頭髮乾淨清潔
Gel咗個靚頭出街之後當然要徹底洗乾淨,不過冇Gel頭或短頭髮就唔代表可以唔去洗頭!可知道頭髮同面部距離極之近,只要頭髮唔乾淨,油脂會直接癡住塊面而容易生暗瘡,所以除咗洗乾淨塊面之餘都要洗乾淨個頭。

不忽視防曬
雖則部分男士會想曬出一身健康膚色,不過並唔等同可以忽略防曬,面對猛烈陽光,防曬功夫絕對要做足!皮膚長期比太陽曬住,唔只有機會曬傷甩皮,仲可能會曬出斑或出現黑色素沉澱。