「防汗小貼士」之今個夏天不再尷尬

夏天將至,炎熱嘅夏天行行下街都會一身汗,每當行入擠迫嘅地鐵車廂或巴士就會聞到難聞嘅汗臭味。即使你噴了濃濃嘅男士香水也一樣敵不過汗臭帶來的尷尬而且汗漬印在衣服也會不其然地影響著你的儀表。以下就為大家綜合左各種有科學根據同冇科學根據嘅民間小知識,等大家可以係正式踏入夏天之前做足準備。

  1. 每日8杯水

    相信由細到大家都會經常聼到媽媽們話「飲多啲水呀」,但原來飲水除左係人嘅基本需要之外仲可以有效沖淡夏天令人討厭嘅體味!因爲足夠嘅水份可以促進身體排除體内毒素同埋代謝物,改善汗臭味道。所以千其唔好睇少每日8杯水嘅重要性呀!

     

  2. 多喝綠茶

    除了水以外,原來綠茶亦很有益處。綠茶可有助防口臭之用,對於防體臭也有點兒幫助。中醫認爲體臭同肝臟失調有關,所以多吃清熱、利濕的食物,可減少體臭。綠茶除了可直接飲用還可以搭配菊花享用,味道清香易入口。

     

  3. 戒口

    美食當前的確好難戒口,但夏天時份太過濃烈的食物會令氣味滯留在體内,並透過毛孔揮發及釋放,令汗水發出不同程度的臭味。所以夏天最好減少進食辛辣、肥膩、煎炸,即重口味食物,預防及避免體臭的問題。

     

  4. 適當地使用止汗劑

    部分體臭問題源自汗臭,皆因汗液含有尿素及阿摩尼亞,出汗後積聚於皮膚,自然形成臭味。現時坊間有很多不同種類的止汗劑,各有不同功效,我個人認爲可選擇一些持久力較長及有香味的止汗劑,那麽便可減少外出時體臭帶來的不便。 Continue reading 「防汗小貼士」之今個夏天不再尷尬

5句火上加油的説話!唔想另一半嬲嬲豬? 唸清楚先好講!

唔知大家最近有冇留意一個專講得罪女友原因嘅專頁,我睇完之後覺得好挫折!普普通通一句説話都好似「有心人裝無心人」, 講咩都會得罪另一半咁!不過俗語都有話「寧得罪小人,莫得罪女人」,兩個人相處多多少少都會有吵鬧,如果各位巴打唔想死得咁轟烈,咁就要留意以下一啲唔應該講嘅説話,唔好再火上加油啦!

  1. 我錯哂囉
    31313222 - young blonde not listening to boyfriend on white background
    兩個人閙交當然就係因爲雙方對於同一件事情上嘅「錯」有唔同嘅理解,所以先會引起爭執。呢個時候千萬不要第一時間把所有責任攬在自己身上,然後衝口而出一句「我錯哂囉」!呢句説話不但有點晦氣,對方聼起上來還會變成「我冇錯,不過費事同你嘈」。當所謂「錯」嘅事情發生,應該回想返事發經過,思考下點解對方會在意呢個「錯」,然後盡量磨合便可了。

     

  2. 下次唔會再錯啦
    人總是重複犯錯,所以千其唔好話「下次唔會再犯」。若果你講左的話,你就要10萬個小心因爲你稍一不慎就會重複犯錯,再次引起爭執。不但如此,女士們總會在想下次、下次,到底邊次唔係犯同一個錯誤? 所以唔好將焦點轉移想呃住對方先啦,主動將自己係每一件事情上嘅缺失攞出黎互相討論,另一半就唔會咁嬲嬲豬啦。

     

  3. 我唔係有心架
    23752369 - angry young woman hitting man with sauce pan
    相信大家都知道講呢句説話的下一句一定係「唔係有心就係有意啦」!想停止爭執絕對唔可以用呢種敷衍嘅説話打圓場。如果係第一次都仲可能得,但第二三四次就唸都唔洗唸啦。唔好唸住可以扮無辜咁話自己唔係專登,如果係咁,個啲殺人放火嘅人都可以話唔係有心?

     

  4. 我唔係咁嘅意思
    唔係咁嘅意思即係咩意思呢? 正如頭先所講,爭執往往都係因爲個個你認爲「啱」嘅意思同對方產生矛盾。江山易改本性難移,每個人都有自己嘅價值觀,只要兩人多啲溝通,係有共識嘅前提下,兩個人嘅所謂「意思」就會越黎越接近,唔需要特別去解釋自己真正嘅意思。就好似兩個人拍拖嘅時候總會覺得彼此心靈相通,天造地設的一對。

     

  5. 我都唔知講咩好
    40459_WM
    講呢句説話意味著你根本沒有要解決這件事情的心,或是根本不在乎。雖然講左好似可以暫時停止爭執,但其實只會令對方更加嬲!其實你心入面肯定已經有個答案,到底要反駁還是道歉,那倒不如還是慢慢的説出來吧!

     

兩人相處最重要的還是溝通,切勿因爲一時意氣而傷及兩人的情感。若不想失去身邊的那個她,説話還是想過再説出來吧。

去Gym都要型,教你4大衣著穿搭

近年健身已經開始變成潮流的象徵,除左可以養成一個健康嘅生活習慣之外,最重要嘅係可以練成一身强壯嘅身材,令自己著衫都可以好睇啲,女士們望落吸引力自然都大啲啦。講到衣著,就算去做gym都唔可以懶架,睇埋以下4大衣著穿搭,教你點樣可以型住去做gym啦!

  1. 背心加短褲
    gym outfit
    如果中意玩跑步機嘅你,咁背心加短褲就最適合不過啦!原因係因爲運動時雙腿嘅汗水會令長褲黏實皮膚,相反短褲就可以讓你在跑步之中保持清爽。至於上身嘅背心或者T-shirt就盡量以貼身爲主,因貼身衣服看起來會更型格一點,相反小編不建議穿著oversize的衣服。

     

  2. 衛衣配運動褲
    dri-fit-fleece-full-zip-E794B7E6ACBEE8A893E7B7B4E980A3E5B8BDE4B88AE8A1A3
    衛衣配運動褲比較適合秋天時份不冷不熱嘅天氣。由於男士們健身嘅時候都好容易大汗淋漓,所以穿著一件dry fit嘅衛衣就唔洗驚出完汗會比啲冷氣吹到病啦!而且不少時尚運動品牌也相繼推出有Slim cut (貼身剪裁) 同dry fit (透氣物料) 功能嘅衛衣,真係型格得黎又實用!

     

  3. 運動衫配運動legging
    20150910021450267(b)
    雖然經過非正式統計,短衫配運動legging係女士最反感衣著嘅頭五位,但如果擁有長腿嘅男士們其實亦不妨一試。若搭配素色短褲,可讓視覺上增加不少層次感,但千萬不要只穿一條緊身的運動legging在外,因爲你的「完美曲線」便會展露無遺!

     

  4. 全套配襯的運動套裝
    11477475721090-Adidas-Men-Sweatshirts-7921477475720868-4
    睇到呢到,如果你仲係對健身服裝有點兒迷惘的話其實坊間已經有不少運動品牌都有預先配套好嘅運動服裝售賣。只要大家選擇合適自己嘅款式就已經可以輕鬆出門,但不過提提大家都係一次過買多幾套,免得人地覺得你冇衫換就糯架啦。