由「美食之都」升呢為「長壽之都」

香港「美食之都」黎個美譽早已深入民心,甚至榮登多個排行榜的榜首。但原來「美食」唔單止係味覺嘅享受,更係香港人長壽嘅秘訣!最近,日本有項調查發現香港人平均壽命為84嵗,首次超於日本,成爲全球最長壽的第一位!

    想知有啲咩長壽食譜? 睇過你至知!

  1. 新鮮食材
    DSCF6781
    唔講你唔知原來香港係罕有以新鮮食材爲主嘅地方,街市呢啲販賣新鮮食材嘅地方係外國亦較為罕見。新鮮食材例如蔬菜、肉類、魚類等,比起冰鮮食材都較有營養,非常健康、自然。

     

  2. 懂得進補
    0823dd54564e92588ea488989682d158ccbf4e37
    香港有好多民間傳統智慧,又相信以形補形,懂得在不同季節或因應身體不同狀況挑選食物作補身之用。例如冬天唔少香港人都會食返碗蛇羹暖身、促進血液循環,呢啲都算係食療進補法呀!

     

  3. 養生食療
    3_111117113359_1
    除左以形補形之外香港人對養生食療亦非常有研究。就好似我地細個咳嘅時候,媽媽總係會煲川貝雪梨、冰糖燉檸檬等等化咳止痰。除左生病嘅時候,閒時亦會煲啲養生湯水例如百合雪梨湯、佛手玉竹湯、五花茶等。由此可見,著重養生都係長壽嘅一大秘訣呀!

     

  4. 熱飲當道
    hot-water-taps-dispensers-buying-guide-01
    深受中醫影響,唔少香港人都認同「凍飲傷身」嘅道理,特別係女士們。熱飲具有養護人體胃氣嘅作中醫認爲,人體胃氣充盈,身體自然健康。難怪這也是長壽秘訣之一!

     

  5. 飲涼茶
    ETA956_025_IMG_0327
    進補嘅同時又點少得排毒呢!研究發現香港到處都可以買到涼茶,涼茶就有如珍珠奶茶一樣十分普遍。涼茶相信大家都飲過,但大家又知唔知其實係咩呢? 涼茶係將一些藥性寒涼嘅中草藥煎水飲,有助消除人體内嘅熱氣和濕氣。由此可見,人體要keep住排毒,身體先會健康呀!

【十萬個爲甚麽】之何爲拉筋?

近年流行瑜伽熱潮,唔少繁忙嘅都市人都熱愛!瑜伽除左可以讓身體放鬆,還可以讓腦袋暫時抛開一切煩惱,係繁忙之中找到一片寧靜。雖然筆者唔玩瑜伽,但同瑜伽相似嘅仲有拉筋!唔好以爲單靠運動就夠健康,其實運動過後很容易會出現肌肉綳緊嘅問題,所以拉筋黎一環實在不容忽視呀!

    拉筋雖然叫拉筋,但其實拉嘅並非「筋」而是肌肉本身。拉筋究竟係咩? 其實係透過一系列嘅伸展動作幫助增加肌肉嘅柔軟性和彈性,避免運動傷害。除此之外,拉筋仲有啲咩好處? 等我地一齊黎睇睇啦!

  1. 減少腰酸背痛
    43225270 - 3d male medical figure with partial muscle map in yoga pose
    今時今日嘅上班一族9成都有腰酸背痛嘅問題。原因? 唔洗問啦~ 工作時數長,坐姿或站姿不正確,或以長時間保持同樣姿勢。適當嘅拉筋可以使筋變得柔軟並且改善四肢,特別針對肩頸同腰嘅疼痛。

     

  2. 强身健體
    2017-09_GQ-FITNESS-Stretching_3x2
    透過正確嘅拉筋,可暢通經絡,清除經絡中嘅垃圾,加强氣血循環,從而改善各種疼痛。人體嘅腿部運行著六條經絡,拉筋亦都有助開啓腿部經絡,疏通氣血,驅邪散寒,治病强身。

     

  3. 提高新陳代謝
    15-ways-boost-metabolism-burn-calories1
    原來除左運動可以加强新陳代謝之外,拉筋亦同樣可以。適當嘅伸展仲可以有效幫助淋巴流動,並消除腳部水腫,改善綫條,這亦是很多人愛瑜伽嘅原因呀!

拉筋小貼士:拉筋同做運動一樣要持之以恆。想要改善肌肉綳緊、減輕因姿勢而引起嘅疼痛,建議一週至少拉筋3次。除左拉筋亦要多留意自己嘅姿勢,減少長時間保持同樣的動作。

大飲大食後的運動債,你還左未?

上月適逢聖誕節以及除夕倒數,相信各位都少不免會大飲大食。不同嘅朋友聚會、公司派對、家庭聚餐,真係唔知大家食左幾多隻火鷄呢?!

飲飽食醉之後,唔知您又有冇覺得體重都上升左呢? 有嘅話就係時候要還啦!一齊睇下以下呢啲小貼士,實行過一個健康嘅2018啦!

Healthy Life wooden sign with a beach on background

  1. 食飽散散步
    GettyImages-500293387
    古語都有話「日行千里」,呢句説話真係冇錯架!營養專家同運動生理學家都指出,大餐過後,如果覺得頂胃,可以散散步,幫助消化,同時亦可減少身體積聚脂肪。研究顯示,飯後散步可讓身體減少約70%甘油三酯。

     

  2. 建立專屬的健身計劃
    My-Workout-Schedule-Template-Free-Download
    有冇唸過點解身邊嘅人都有做Gym嘅習慣,但有啲人總係會瘦得比較明顯? 其實每個人燃燒嘅卡路里完全取決於你鍛煉嘅類型。一個200磅嘅成年人,一小時嘅高衝擊力帶氧運動可燃燒637卡路里;慢跑一小時就能燃燒728卡路里。所以話,應該好好設計一個適合自己嘅健身計劃,務求事半功倍!

     

  3. 選取激烈嘅訓練
    Gym
    Gym

    大時大節一定少不免大喝大喝,如果唔想脂肪積聚的話,就應當保持一定速度嘅新陳代謝。點樣保持? 建議大家節日後選擇一些强較高嘅鍛煉,因高强度嘅訓練可以在12-24小時内增加你嘅新陳代謝。

     

  4. 終極貼士
    JustOneMore-280x190
    現代生活都抱有一種觀念「食左先講」,到發現自己體重上身有變肥嘅跡象先開始體重管理,努力減肥。可惜,正確嘅觀念應該「減左先食」!其實大飲大食之前應先燃燒卡路里,例如係聖誕大餐前夕可選擇做一些阻力訓練,有助產生更多代謝活躍因子,增加代謝率,從而讓身體可以係短時間内燃燒更多卡路里。

仲等咩? 擇日不如撞日,快啲開始你嘅健康人生啦!體重管理其實冇想象中咁難,最緊要係「持之以恆」。