50905044_m(1)

7個上健身房惹人討厭的行為

為keep住一副至fit嘅身型,或多或少都要比啲恆心,除咗戶外運動之外,出入gym房是常識吧!畢竟gym房有冷氣又唔洗怕日曬雨淋,係不少型男嘅進出之地。之不過做gym還做gym,始終係一個共享嘅健身場,點都要有應有嘅公德心,以下列出7個gym房上惹人討厭嘅行為,如果你有份的話記得避免!

香水除臭?
假如你習慣咗噴香水或古龍水除味,做gym的話就要記住先停用,或者你會問做gym出汗唔係應該用香水去蓋住異味?咁你就大錯特錯!當汗水混合香水,氣味難聞程度可以話係意想不到地令人作嘔。

講電話
雖然講電話係一見好正常嘅事,但為咗唔打擾其他專心做緊gym嘅型男美女們,要通訊的話都係用番whatsapp好啲。如果有重要電話,就麻煩你行出gym房先聽吧!

霸佔器材
每種健身器材都有各自嘅建議使用時間配合體能需要,千祈唔好以為自己可以一邊踩健身單車一邊睇書、又或者一邊用跑步機一邊loop Facebook,咪做自私鬼忽略其他健身室user。

沾汗器材
做運動固之然會出汗,所以當用到需要貼背器材側如划艇機、擴背機等時,記得先墊上毛巾,用完再將毛巾抹走多餘汗漬,唔好令下個用家同你嘅汗水有肌膚之親。

不請自來
如果你自知自己並唔係一個專業健身教練,就切記不請自來向其他用家說教,不但只show唔到off,仲會令人反感。當然,如果有人向你請教就另計啦。

眼神飄浮
為確保安全避免拉傷肌肉,做gym時要全神貫注,或者可能會有幾個吸睛美女你喺附近,不過千其唔好眼望望令對方唔舒服之餘,仲會容易整傷自己。

散播病菌
喺gym房聽到咳聲或者打乞痴聲,總會令其他同樣努力緊嘅同志們心驚驚,既然病咗就應該好好抖吓,唔好出去散播病,好番先再去train過啦!

Leave a Reply