All posts by 天使低低b

「回魂啡」之奧秘

每朝一杯「回魂啡」相信係唔少上班一族每日不可缺少嘅元素!唔講你唔知,咖啡除左可以提醒之外,仲係便秘人士嘅恩物!美國研究發現,熱咖啡解決便秘嘅功效比起熱水高達60%! 想知多啲? 睇埋落去啦!

美國有著名醫生表示,熱飲能夠刺激消化系統,加速腸道蠕動,無形中能幫助大腸肌肉把體内的便便推向直腸。
mp60475401_1456366340221_2_th

所以各種熱飲,包括熱水在内,都能夠有效咁幫助排便問題。

而最新嘅研究顯示,所有熱飲當中,咖啡最能夠引發腸道蠕動,排便功效比起熱水高達60%!不過要注意嘅係需要含有咖啡因嘅咖啡先有咁强勁嘅功效,若選用去咖啡因的咖啡,效果會下降23%。
decaf-coffee-comic1

根據統計,大部分人飲完熱咖啡後20分鐘便會感受到便意,實在係便秘人士嘅福音呀!

不過大家又唔好開心得咁早!雖然熱咖啡能有效改善便秘問題,但長期飲用會使腸道漸漸麻痹,從而失去自行蠕動嘅能力。換句説話,太過依賴咖啡最後會演變成唔飲咖啡就去唔到便便。想要健康嘅排便習慣,大家都係應該由飲食著手,多菜少肉,當然仲要飲足夠嘅水份啦!

自駕遊要小心!

唔少香港人去旅行會選擇自駕遊,一來可按個人喜好安排行程,二來去到一啲交通網絡不太完善嘅城市時,自駕遊實在方便許多。不過正所謂人生路不熟,係異地駕駛時真係要更加警惕呀!以下一齊睇下有咩注意事項啦~

  1. 租車
    13912793173_ce967c2a07_o
    自駕遊首先當然要租架車啦!以家除左可以直接透過租車公司直接租用之外,仲可以透過中間人網站搜索。筆者就曾經發現有啲一站通嘅網站,如果一次過訂機票、住宿及租車即可享套餐優惠!不過平歸平,最重要都要留意機場租車公司嘅營業時間,事關飛機一旦delay就好可能錯過取車時間!另外亦都要留意取車嘅位置,有啲比較遠嘅租車公司可能要安排接駁,記得睇清楚呀!

     

  2. 導航
    IMG_8055
    以前一邊渣車一邊睇地圖嘅日子已經過去啦!以家最好嘅小幫手一定離不開Google Map!唔需要睇之餘仲可以有聲音導航,夠曬安全!不過人類都唔能夠完全依賴Google Map,尤其係去到外國Google Map嘅準成度一定冇當地嘅GPS準確。再者,當地嘅導航可提供更多嘅咨詢,例如係塞車時可提供捷徑及靚仔相機位置等等。各位駕駛人士可自行考慮個人所需。

     

  3. 左軚定右軚?
    Countries-Drive-Left-or-Right
    自駕遊最需要熟習嘅地方就係左軚同右軚嘅分別。香港奉行右軚駕駛,左上右落;但外國唔少地方就完全相反,右上左落。為免發生不必要嘅意外,大家都係睇清楚先啦!

     

  4. 泊車規則
    General-Parking-Restrictons-sign
    自駕遊最麻煩就係要周圍揾位泊車,外國好多地方都流行街泊,甚至將車泊係街上過夜亦不足爲奇。不過!記得要睇清楚泊車嘅規例,例如每次泊車時限,咩日子可以或不可以泊,是否需要許可證等。如果因爲方便就被罰款咁就唔抵啦!

護鞋有方

筆者身邊總係有好多愛儲波鞋嘅嗜好者,為買一對波鞋可以花上十多小時甚至一個晚上去排隊。雖然筆者沒有對波鞋熱愛到這個程度,但小小的護鞋知識還是有的。今日就等我地一齊黎學下點樣keep住對波鞋白白滑滑啦!

  1. 鞋面清潔劑
    593dc45e-bb6f-45d8-b5dd-a9d3314e9fdd
    著新鞋最討厭係咩? 當然就係比人踩!細個洗鞋嘅時候總係要又洗又刷,重重複複都未必洗得甩。唔想費時失事,以家市面上有好多洗鞋專用清潔劑,只要幾滴就可以輕輕鬆鬆還原雪白嘅波鞋啦!

     

  2. 波鞋紙巾
    source
    唔知大家有冇一個咁樣嘅宿命,就係每次著對新鞋出去都會比人踩!望住對新鞋有個黑印真係喊都無謂!以家有左波鞋紙巾就可以好似濕紙巾一樣隨時落出黎抹。波鞋紙巾有別於一般濕紙巾,内含護理劑,遇到幾頑强嘅污跡都無所遁形!得左!

     

  3. 補色筆
    P1900307_78
    好多波鞋耐左都會氧化,無論點樣洗都會泛黃。以爲咁就Certified? 救星出現啦!以家市面上可以買到一啲補色筆,用起上黎好似塗改液咁,係原先嘅鞋面上蓋上一層特殊白色塗料,不但可以令對鞋變回雪白,仲具有防止氧化嘅作用,一舉兩得!

     

  4. 防水噴霧
    WaterProof Spray
    唔知大家有冇都覺得「水」係好多鞋嘅敵人? 一落雨就唔似著咩好,非常煩惱!最新嘅零氟素奈米科技型噴霧就可以幫到大家!噴霧可以係鞋面上形成保護膜,防止水分子侵入,效果最長仲可以長達5週年,對於一衆愛鞋之人實在係一大福音呀!

     

  5. 波鞋擦紙膠
    maxresdefault (4)
    日本發明嘅「波鞋擦紙膠」外形就好似普通擦紙膠一樣,可以擦甩啲污跡。可惜現時只適於與帆布或膠質鞋嘅基本款。而且清潔力亦有限,只能對付一啲比較細小嘅污跡,不過好處係完全唔需要用水就可以輕鬆去污!