Category Archives: Uncategorized

一份窩心的禮物

一轉眼一年時間又差唔多過去啦,每年黎到12月我都感觸良多,12月既是一個喜慶嘅月份,同時亦係一年嘅終結。 全年咁多節日當中,我最喜歡就係聖誕節,聖誕節讓人有一種既浪漫又普天同慶嘅日子,非常特別!

既然係普天同慶當然少不免要互相送禮物!每年黎個時間,公司、朋友圈、甚至係屋企人都必定會來一個交換禮物環節。雖然禮物嘅範圍非常廣泛,但對於大部分人而言,送黎送去,其實都離不開個幾樣嘢。今年一於花啲心思送啲既有創意又不失禮嘅禮物啦!

    禮物1: 旅行用品
    stylish-travel-accessories
    香港人中意旅行,送旅行用品就最好不過!旅行用品亦有好多選擇,不論係收納小物、飛機枕頭、甚至係最近非常流行嘅萬用充電器亦係不二之選!挑選禮物最重要就係要夠實用、價錢亦剛好、不會對別人失禮、亦不會太傷自己荷包!

    禮物2:運動用品
    top-view-of-sneakers-on-white-background-fitness-wear-and-equipment-sport-fashion-sport-accessories-sport-equipment-healthy-concept-copy-space-concept-healthy-lifestyle-sport-and-diet_1391-731
    近年流行健康生活,好多人都會花錢買運動用品,所以揀黎做禮物亦都係非常潮嘅選擇!比較常見嘅運動用品有運動服飾、器材、水樽水壺等。若預算稍微高一些的可以選擇運動手帶、監測儀等。運動用品除了夠實用之外,還可以讓對方感受到你希望他/她健康嘅心意,更加溫暖,更加感動!

    禮物3:生活用品
    NL_161212_cover
    如果實在毫無頭緒的話,不妨向對方嘅生活習慣下手。日常生活所需嘅禮物,通常可以保存得最耐!而且,收到實用嘅禮物,總好比「唉,又收到垃圾禮物 」來得更窩心。生活用品包含的種類真的很多,例如:居家、汽車配件、寵物用品等,視乎收禮物者嘅生活習慣。

    禮物4:電子用品
    150108340531419
    交換禮物嘅對象如果係男性,咁電子用品一定係首選!比較常見嘅係手機或者電腦配件,例如:耳機、電腦遊戲、迷你喇叭等都係非常有質感嘅禮物。不過前提當然係彼此都要有一定嘅收入先買得起啦!

    禮物5:食物
    121916lunchchocolate_1280x720
    Last minute嘅朋友們,如果真係唔知買咩又或者冇時間準備,可以係去party嘅路上順手買啲朱古力、finger food、甚至係買支酒,總好過兩手空空。加上不論男或女,接受食物嘅程度都非常高,所以都唔需要擔心對方會唔喜悅。

    禮物6:搞Gag禮物

    送禮物其實冇好壞之分,只有適合/不適合。如果可以根據朋友嘅喜好或興趣去送禮,對方亦會感受到你嘅心意比起禮物本身更有意義!若遇到一啲冇辦法送正經禮物嘅朋友,不妨尋找一啲有gimmick又搞怪嘅禮物,咁就可以保持對方嘅新鮮感,且會讓對方留下深刻嘅印象!

係黎個普天同慶嘅日子裡,所有禮物其實都係其次。把握每一個機會陪伴你身邊所愛嘅人,讓你愛及愛你嘅人都感受到個份溫暖。

祝大家有一個窩心嘅聖誕節

風度男士Fine Dine約會前須知

對大部分女性嚟講,有風度嘅男士當然會加唔少印象分,如果想約會心儀女性,fine dining絕對係你展示gentlemen一面嘅時候,之不過約會前記得學識以下餐桌禮儀及注意事項,自然就唔怕失禮又失威!

禮讓Lady First
Lady First係基本社交禮儀,準備入餐廳時幫手開們讓女士先入,幫女生拉櫈甚至係讓女方先落單等等,只係小小舉動經已能夠show到紳士風度,唔識做就認真要抵打!

注意儀容
話明係fine dine當然要執得試試正正,尊重場合,保持儀容服飾乾淨企理,拖鞋涼鞋就絕對係大忌。

枱面乾淨
餐枱只係用嚟擺放餐具同食物嘅位置,一切個人物品,特別係容易令人分心嘅手機都係擺番落袋啦。

對侍應有禮
話晒去到高級餐廳食飯,落茶餐廳嗰種截然不同嘅豪邁落單方式一定要收起,落單嘅時候千祈唔好粗魯大叫waiter又或者指指點點。

點餐量一致
為免出現尷尬局面,要確保點餐量數同對方一致,千祈唔好因為想慳荷包就只點少量嘅食物,食物數量少過女方仲會令對方有壓力錯覺自己食量大或者貪心,所以一定要留意番!

了解餐巾位置
食飯時將餐巾擺放大脾之上,記住無須要好似口水肩咁掛喺領口前,至於要離開座位嘅話餐巾可以放喺櫈上,到最後離開餐廳就可以摺好整齊放喺餐碟旁邊。

邀請者作客
如果你身為約會飯局嘅邀請者,就盡量唔好要對方拎荷包出嚟,特別係約會心儀女仔的話就更加應該大方請客以示誠意。

四種男士保持體味清新的要抉

擁有一身清新香氣固之然更容易吸引異性,適逢夏天就更加需要保持清香,因為大量出汗產生濃烈男人「味」而嚇親人就唔好啦!如果略嫌直接噴香水或者古龍水浮誇,可參考以下四種方法,幫你保持體味清新:

乾淨衣物
夏天出汗量多,出一出街件衫都感柒晒汗漬同汗臭味!所以要勤洗衫褲之餘,每次出街記得記得唔好懶,換番件已經洗乾淨嘅衫褲,就算冇用香水,陣陣洗衣粉同柔順劑淡香同樣令你身上保持清香。

洗頭
雖則係短頭髮但都要注意清潔,尤其係經常gel頭嘅男士們,試諗下經過長時間後,汗水連同髮泥、髮蠟等混為一體,視覺上已經唔多美觀,再伴隨一陣頭油味…簡直晒扣分。除咗定時洗頭外,亦唔好唔記得洗乾淨耳背同頸背等容易積汗嘅地方。

注意口腔清潔
假設你唔係失咗聲,相信一日24個鐘頭入面都難做到完全唔開口講嘢,試諗吓一開口就有難聞嘅口氣味,原本企喺你隔離都即刻彈開幾丈遠。平常要注意口腔清潔,早晚刷牙同運用牙線之外,都要留意個人身體健康。

香體沐浴露
沖涼同食飯一樣係每一日都必定會做嘅事,所以揀一支啱自己嘅沐浴露絕對係非常重要。坊間上可以搵到一啲標榜專為男士而設嘅香體沐浴露,擠一下即刻聞到陣陣清香之餘,獨特嘅香體配方仲可以減低汗味。