Tag Archives: 中醫

寒氣侵襲要小心!醫師贈你3種常見止咳古法!

適逢轉季嘅時份,再加上天氣不穩忽冷忽熱,好多人都敵不過病魔嘅侵襲。病左嘅你會點樣處理? A. 睇中醫 B. 睇西醫 C. 選用民間智慧

我就偏向會選擇相信民間智慧,雖然係冇科學根據 ,但有時有啲嘢又唔到你唔信!今日就同大家分享下啲最常見嘅止咳古法啦!

  1. 檸檬

    lemons

    相信大家都知道檸檬係絕多數嘅古方入面都會出現,例如:檸檬煲薑、冰糖燉檸檬等。從中醫角度睇,新鮮的檸檬味酸,微甘,性微寒,具有清熱解暑、生津止渴、化痰止咳的功用。

    既然檸檬有咁多功效,今次為大家介紹嘅古方就係冰糖陳皮燉檸檬。

    27fb605p

    顧名思義,主要材料就係冰糖、陳皮、以及檸檬。做法就係燉嘅時候唔加水,到服用時先加入暖水沖泡飲用。陳皮性質溫和,既能燥濕化痰,又能溫化寒痰。至於冰糖,唔好以爲糖就一定對身體唔好!《本草綱目》中記載冰糖能入肺經、脾經,有潤肺止咳、和胃等功效,同時仲可以用來調理肺燥咳嗽和痰中有血絲現象。

    三種材料經過3-4小時燉煮後,可以互相取長補短,化成一盅美味滋潤嘅食療。不過都要注意:此配方只適合對於夜訓、食物引起嘅喉嚨不適肺燥、肺陰虛所致噄咳嗽。至於外感、炎症、哮喘等引起嘅咳嗽均效果不佳。

  2. 50913eeb04768a5b1fa9985c16704d96

    中醫師認爲橙,味酸,性涼,入肺胃,一般也不建議在外感期間進食新鮮嘅橘子類水果。

    今次要介紹大家嘅就係燉橙。燉橙時加淡鹽去蒸,可除去其寒性,並且紓緩咽喉不適。燉熟後食用橙肉、橙絡(即橙內層白色絲狀),以及在碟裏蒸出來帶苦澀味的橙皮汁,才能達到祛痰鎮咳效果。

    banner_b940_鹽燉橙a

    注意:此食療不適合寒咳、氣虛、陽虛、脾虛者在咳嗽期間食用,只適合熱咳和燥咳患者食用。

  3. 陳皮

    81029312

    剛才提到陳皮既能燥濕化痰,又能溫化寒痰,最適合一些寒咳嘅朋友們!

    第三個古方就係焗陳皮水,陳皮對於寒咳、口淡淡、多淡口水特別有幫助。 做法: 陳皮4角,浸軟去瓤。放入1.5公升冷水裡,大火滾起,再細火煲半小時。 1. 煲水後的陳皮可以用來煮餸, 不浪費。 2. 無論煲湯煲水,陳皮記得要冷水下,熱水下會苦! 3. 白色的陳皮瓤有理氣的功效,不去也可,飲落甘甜。

    8180d0f525351d53e260ae667600

    注意:此食療不適合熱咳、燥咳、火咳等症狀。雖然陳皮屬溫和性質但若體内熱盛、火多、燥熱、進食陳皮便會令情況惡化,不但止不了咳嗽,還可能咳得更犀利。

    中醫著重的是對症下藥,所以不會單靠一種藥物或食療去醫治所有由不同成因而成的咳嗽。以上食療只供參考,不能作準,所有病痛還是應該找醫師診治!