Tag Archives: 交友

男女愛的大不同

成日話男人來自火星,女人來自水星,兩者由性格上以致情感表達方式都好截然不同,不過今次我地就同大家分享一個比齋講性格更富趣味性而且息息相關嘅topic,就係愛!到底男女之間對於愛又有咩唔同表現呢?以下同大家分享5個最主要嘅差異:

男士較注重另一半外表
「你的樣子如何….」講起擇偶條件,總有唔少外貌協會會員將靚列為重要擇偶條件,一項研究調查發現原來男士比女士更注重另一半外表,會先受外表所吸引繼而有所發展,都咪話唔膚淺啦!

男士較衝動
男性較衝動而女性較為理性冷靜,對於呢一點相信大家都無容置疑,喺愛情上嘅表現亦可以充分體現。就好似遇到心儀對象時,由起初表白以致及後每一件事情(甚至終生大事)嘅決定,男士們都比起女性都較為衝動而冇女士們考慮咁周長,有時難怪會成日比人話幼稚。當然,有時果斷都係唔係壞事嚟嘅。

男士較重視樂趣

大部分男士都希望搵一個可以陪自己relax同have fun嘅女人,做事唔需要顧慮太多,開心就夠,呢點其實都同男士衝動果斷嘅性格有關。而對女士嚟講,肯承擔責任,有膊頭有腰骨至係王道。

男士初期較少抒發感受
交往初期男女雙方都糖痴豆一樣表現恩愛,雖然男士們腦入面都有唔少鬼主意,但原來男士係初期係傾向較少向對方抒發感受,直到覺得關係穩定。至於男士多數透過行動向另一半表達愛意,至於係邊方面行動……你懂的!

男士較先講「我愛你」
「我愛你」三個字直接而肉麻,其實又真係幾難開口講!不過原來7成男士比女士更早向另一半講出呢三個字示愛,至於點解?婚姻及家庭治療師Esther Boykin指出好多時候男士講我愛你都係想挑起另一半嘅性慾,你地又覺得中唔中呢?