Tag Archives: 健康

食水果要食得啱!

我唸每個小朋友都一定經歷過唔中意食菜、食生果嘅時候!黎個時候呀媽就會話:「食生果有益呀」!的確,大部分嘅水果對身體都有非常多嘅益處,但有幾種生果反而會令你越食越肥!唔想墮落陷阱就記得要睇啦!

  1. 芒果
    philippine-mango
    筆者本人係非常非常喜愛芒果,一剝開又開又甜嘅味道,唸起都流口水!不過,其實芒果係一種比較難消化嘅水果,當中含有嘅粗纖維同粘液亦較多,所以腸胃唔好嘅人就應當盡量避免,以免出現肚瀉嘅情況。另外,皮膚敏感嘅人亦需特別留意,因芒果較容易引致皮膚痕癢。

     

  2. 車厘子
    187220-004-866CA71B
    好多人都會話車厘子係補血美顔,當中嘅含鐵量亦係比起絕大部分嘅水果都要高。不過唔講唔知,細細粒嘅車厘子其實糖分極高!當過多嘅糖分積聚時,唔洗我講,大家都知後果會點啦!

     

  3. 火龍果
    dragon-fruit_625x350_61448443671
    火龍果一向比人嘅感覺都係適合減肥人士食用,當中嘅營養價值非常之高,而且含有一般植物少有嘅植物性白蛋白,仲有豐富嘅維生素同水溶性膳纖維。雖然好處多多,但原來火龍果係唔適合夜晚食用!點解? 因爲當中嘅葡萄糖好快會被人體吸收,影響腸胃嘅消化功能,對身體造成負擔!

     

  4. 榴槤
    5V4A3734
    除左芒果,筆者喜愛嘅水果一定唔少得榴槤!!!唔知有冇人同筆者一樣覺得榴槤好香呢? 可惜,榴槤其實都係唔健康嘅生果,因榴槤會影響到血壓嘅穩定同時又屬於一種高熱量高糖份嘅水果。

     

想食生果越食越健康? 咁就要係適當嘅時間食啦!多數人會係晚飯後進食水果,更佳嘅時間可選擇早上10時或者下午3時,既可以一解口痕,又可以補充營養!

唔食早餐仲易肥!早餐點食先至啱?

為左減肥唔少人都會選擇節食,尤其大家趕住返工返學嘅時候好多時都會忽略早餐。但唔講你唔知,一份豐盛嘅早餐反而有助減肥!近日就有研究顯示,早餐食得好可幫助提高新陳代謝,從而更加容易減重!
Breakfast-770x367

美國有項研究,參考左64位過重成年人士嘅飲食習慣,發現低脂肪、高碳水化合物嘅早餐竟然容易令人肥胖!反而高脂、低碳嘅早餐卻可以減重!

研究中,測試者被分成兩批,一批被安排吃高碳水化合物、低脂肪的早餐,另一半則相反。今次嘅研究,所指嘅高脂肪食物並唔係香港人非常喜愛嘅公仔麵、煎炸食物、或其他加工食品,而係指含天然脂肪嘅食物,例如:果仁、奶類製品、三文魚等。
472492630

一個月後,研究人員再次量度所有測試者餐前和餐後的胰島素和血糖數據,還有很值得留意的飽肚感(讓測試者評估自己餐前和餐後的飽肚程度)。

結果發現,吃低碳水化合物高脂肪組合的測試者,在吃完早餐後-4小時後仍未感到飢餓。相反,另一組合的測試者,則很快又有肚餓的感覺。因此,這一食用這組合的測試者,較多會在午餐前進食額外的東西來消除飢餓感,即係變相又攝取左額外嘅卡路里啦!
hungry

研究亦同時發現進食低脂、高碳水化合物的測試者,體内血糖上升同下降嘅速度較快,可能因爲碳水化合物對於血糖變化有好大嘅影響,所以測試者好快又再次感到肚餓。

總括而言,早餐食用高脂、低碳水化合物反而更有減肥的果效。千其唔好再因爲趕時間而唔食早餐啦!

「頭髮」的五大迷思

頭髮對於好多男士們黎講都有如第二個生命,一個有「型」嘅髮型就已經贏在起跑綫。可惜好多男士們都唔識護理自己嘅頭髮,中年脫髮更係都市人非常常見嘅問題!接住落黎就教大家一啲生活細節上需要注意嘅護髮之道啦!

  1. 洗髮時的水溫
    digital-shower-head
    洗頭時的水溫不易太高亦不宜太低。關於水溫,坊間有許許多多不同嘅説法,有啲話50度,有啲話38度。筆者建議最佳嘅溫度係維持係大概38度,因此溫度比較接近人體體溫。過高的溫度容易刺激頭皮,並且洗掉一些用來保護頭皮的皮子,讓頭皮容易敏感並且變得乾澀、老化、甚至脫髮。

     

  2. 吹髮的技巧
    maxresdefault (5)
    相信唔少男士都仍爲吹乾頭髮係女士嘅專利,但其實男士都不容忽視此步驟!不過,千萬不要放錯重點!吹頭髮的重點應該在於把頭皮吹乾,髮尾的部分只需成乾透即可。此外,仲要注意風筒嘅溫度,千祈唔好為左貪快就調校到最高嘅溫度,咁樣會好容易傷害到頭皮架!

     

  3. 幾多洗頭水先乾淨?
    natural-shampoos
    唔講你唔知,真正能夠洗乾淨頭髮嘅主要因素係「水」而非洗頭水!!!好多人都會將其觀念調轉,因而使用太多的洗頭水,導致毛孔閉塞!除此之外,殘留係頭髮上嘅多餘洗頭水亦會傷害到頭髮嘅髮質!

     

  4. 每日都洗頭啱唔啱?
    wash_hair1
    呢個問題沒有絕對嘅對與錯。洗頭嘅頻率要視乎每個人嘅髮質而定。若你屬於較容易出油嘅髮質,咁就必須每日清洗,以免毛囊發炎、頭皮發癢等狀況。若你嘅髮質係屬於乾性,咁就唔需要每日清洗啦!總言之,一切都係要視乎自己頭髮嘅髮質而定。