Tag Archives: 健康

【時間的重要性2】飲水

人人都知飲水好重要,而一日八杯水更加係常識。不過有幾多人知道正確嘅飲水方法? 唔想飲完等於冇飲咁就記得要睇下以下嘅小常識啦!

  1. 幾時飲水最適合?
    what-is-the-correct-time-of-the-day-to-drink-water
    凡事都講timing,飲水當然都唔例外!
    起床後:補充睡眠時所流失嘅水份,同時幫助腎臟及肝臟解毒
    早餐時:有助提神及刺激腸胃蠕動
    午餐後:幫助消化
    下午茶前:新陳代謝的最佳時間
    睡覺前:以免睡眠時水份過分流失

     

  2. 空肚飲水的重要性
    maxresdefault
    上述提到第一杯水嘅最佳timing係起床後。黎一杯水可以話係全日最重要嘅一杯而且記謹要空肚!空肚飲水第一可以增加飽腹感,避免正餐攝入過多量,減少發肥機會。第二可以增加新陳代謝率,改善消化功能,所以空肚飲水真係非常重要!

     

  3. 凍水定熱水?
    pg-32-2-medium
    答案係溫水!太凍或太熱嘅水對身體都會為身體帶黎負荷,而且常溫係最容易被身體吸收,可以事半功倍呀!

     

  4. 速度
    benefits-of-drinking-water
    大家經常忽略嘅一點就係飲水嘅速度!正確嘅飲水方法應該係慢慢一啖一啖咁飲,咁樣唔係要扮淑女,而係讓小腸有足夠時間吸收水份。太大啖會令身體趕唔切吸收水份,直接排出體外,飲左等於冇飲呀!

     

  5. 口渴先飲?! Too Late!
    DIu_QnwW0AE20XG
    當你覺得口渴嘅時候,係身體發出訊號話你知你已經輕微脫水,水份不足會令新陳代謝下降、皮膚粗啞、出現皺紋,想避免就要係口渴前飲多啲水啦!

【十萬個爲甚麽】之何爲拉筋?

近年流行瑜伽熱潮,唔少繁忙嘅都市人都熱愛!瑜伽除左可以讓身體放鬆,還可以讓腦袋暫時抛開一切煩惱,係繁忙之中找到一片寧靜。雖然筆者唔玩瑜伽,但同瑜伽相似嘅仲有拉筋!唔好以爲單靠運動就夠健康,其實運動過後很容易會出現肌肉綳緊嘅問題,所以拉筋黎一環實在不容忽視呀!

    拉筋雖然叫拉筋,但其實拉嘅並非「筋」而是肌肉本身。拉筋究竟係咩? 其實係透過一系列嘅伸展動作幫助增加肌肉嘅柔軟性和彈性,避免運動傷害。除此之外,拉筋仲有啲咩好處? 等我地一齊黎睇睇啦!

  1. 減少腰酸背痛
    43225270 - 3d male medical figure with partial muscle map in yoga pose
    今時今日嘅上班一族9成都有腰酸背痛嘅問題。原因? 唔洗問啦~ 工作時數長,坐姿或站姿不正確,或以長時間保持同樣姿勢。適當嘅拉筋可以使筋變得柔軟並且改善四肢,特別針對肩頸同腰嘅疼痛。

     

  2. 强身健體
    2017-09_GQ-FITNESS-Stretching_3x2
    透過正確嘅拉筋,可暢通經絡,清除經絡中嘅垃圾,加强氣血循環,從而改善各種疼痛。人體嘅腿部運行著六條經絡,拉筋亦都有助開啓腿部經絡,疏通氣血,驅邪散寒,治病强身。

     

  3. 提高新陳代謝
    15-ways-boost-metabolism-burn-calories1
    原來除左運動可以加强新陳代謝之外,拉筋亦同樣可以。適當嘅伸展仲可以有效幫助淋巴流動,並消除腳部水腫,改善綫條,這亦是很多人愛瑜伽嘅原因呀!

拉筋小貼士:拉筋同做運動一樣要持之以恆。想要改善肌肉綳緊、減輕因姿勢而引起嘅疼痛,建議一週至少拉筋3次。除左拉筋亦要多留意自己嘅姿勢,減少長時間保持同樣的動作。

大飲大食後的運動債,你還左未?

上月適逢聖誕節以及除夕倒數,相信各位都少不免會大飲大食。不同嘅朋友聚會、公司派對、家庭聚餐,真係唔知大家食左幾多隻火鷄呢?!

飲飽食醉之後,唔知您又有冇覺得體重都上升左呢? 有嘅話就係時候要還啦!一齊睇下以下呢啲小貼士,實行過一個健康嘅2018啦!

Healthy Life wooden sign with a beach on background

  1. 食飽散散步
    GettyImages-500293387
    古語都有話「日行千里」,呢句説話真係冇錯架!營養專家同運動生理學家都指出,大餐過後,如果覺得頂胃,可以散散步,幫助消化,同時亦可減少身體積聚脂肪。研究顯示,飯後散步可讓身體減少約70%甘油三酯。

     

  2. 建立專屬的健身計劃
    My-Workout-Schedule-Template-Free-Download
    有冇唸過點解身邊嘅人都有做Gym嘅習慣,但有啲人總係會瘦得比較明顯? 其實每個人燃燒嘅卡路里完全取決於你鍛煉嘅類型。一個200磅嘅成年人,一小時嘅高衝擊力帶氧運動可燃燒637卡路里;慢跑一小時就能燃燒728卡路里。所以話,應該好好設計一個適合自己嘅健身計劃,務求事半功倍!

     

  3. 選取激烈嘅訓練
    Gym
    Gym

    大時大節一定少不免大喝大喝,如果唔想脂肪積聚的話,就應當保持一定速度嘅新陳代謝。點樣保持? 建議大家節日後選擇一些强較高嘅鍛煉,因高强度嘅訓練可以在12-24小時内增加你嘅新陳代謝。

     

  4. 終極貼士
    JustOneMore-280x190
    現代生活都抱有一種觀念「食左先講」,到發現自己體重上身有變肥嘅跡象先開始體重管理,努力減肥。可惜,正確嘅觀念應該「減左先食」!其實大飲大食之前應先燃燒卡路里,例如係聖誕大餐前夕可選擇做一些阻力訓練,有助產生更多代謝活躍因子,增加代謝率,從而讓身體可以係短時間内燃燒更多卡路里。

仲等咩? 擇日不如撞日,快啲開始你嘅健康人生啦!體重管理其實冇想象中咁難,最緊要係「持之以恆」。