近年健身已經開始變成潮流的象徵，除左可以養成一個健康嘅生活習慣之外，最重要嘅係可以練成一身强壯嘅身材，令自己著衫都可以好睇啲，女士們望落吸引力自然都大啲啦。講到衣著，就算去做gym都唔可以懶架，睇埋以下4大衣著穿搭，教你點樣可以型住去做gym啦！
- 背心加短褲
如果中意玩跑步機嘅你，咁背心加短褲就最適合不過啦！原因係因爲運動時雙腿嘅汗水會令長褲黏實皮膚，相反短褲就可以讓你在跑步之中保持清爽。至於上身嘅背心或者T-shirt就盡量以貼身爲主，因貼身衣服看起來會更型格一點，相反小編不建議穿著oversize的衣服。 - 衛衣配運動褲
衛衣配運動褲比較適合秋天時份不冷不熱嘅天氣。由於男士們健身嘅時候都好容易大汗淋漓，所以穿著一件dry fit嘅衛衣就唔洗驚出完汗會比啲冷氣吹到病啦！而且不少時尚運動品牌也相繼推出有Slim cut (貼身剪裁) 同dry fit (透氣物料) 功能嘅衛衣，真係型格得黎又實用！ - 運動衫配運動legging
雖然經過非正式統計，短衫配運動legging係女士最反感衣著嘅頭五位，但如果擁有長腿嘅男士們其實亦不妨一試。若搭配素色短褲，可讓視覺上增加不少層次感，但千萬不要只穿一條緊身的運動legging在外，因爲你的「完美曲線」便會展露無遺！ - 全套配襯的運動套裝
睇到呢到，如果你仲係對健身服裝有點兒迷惘的話其實坊間已經有不少運動品牌都有預先配套好嘅運動服裝售賣。只要大家選擇合適自己嘅款式就已經可以輕鬆出門，但不過提提大家都係一次過買多幾套，免得人地覺得你冇衫換就糯架啦。
