Tag Archives: 冬季

男士必須注意的冬季健身事宜

一到冬天惰性出晒嚟唔出奇,雖則話肥咗都唔怕有厚衫可以遮一遮,但如果想keep住身材唔走樣線條仲喺度,就絕對唔可以偷懶唔去運動做gym!以下列出5項冬季運動健身必須注意事宜,以避免因為冬天健身而出現嘅各種問題。

充分熱身
氣溫下降令人體各個器官保護性降低,同時伸展力降低令關節活動範圍縮小,相對不易舒展。所以冬天健身前熱身就更加冇藉口偷懶,可以通過各項伸展、慢跑等少量練習,令身體輕微進入狀態,避免拉傷肌肉同關節。

衣著適宜
運動裝束要輕便為主相信大家都知,不鍛鍊完畢後除咗要抹乾汗水換去有汗嘅衫之外,建議可著番套連帽衛外套,戴番頂帽防止熱量散失。

Continue reading 男士必須注意的冬季健身事宜

減少冬季賴床的5個貼士

踏入冬季低溫天氣影響下,成個人都彷彿進入冬眠狀態,感覺做任何事都提唔起勁,唯一只想做嘅就係喱喺暖笠笠嘅被窩入面,享受與床纏綿嘅溫暖。無論有幾難捨難離,時候到了終須一「起」!覺得朝早起身好痛苦?以下5個貼士或者可以幫到你。

訓前飲水
每晚臨訓前飲少少水,朝早會因為有尿意而非起身不可,俗稱「尿鐘法」,不過呢個方法對於身體忍受力特別強嘅朋友們就未必啱用喇。為免出現水腫問題,一般只需要飲半杯水就足夠。

http://media.gettyimages.com/videos/man-drink-water-video-id476285274?s=640x640

床頭放杯水
訓醒飲啖水令身體得到滋潤,五臟六腑都會清醒啲。建議前一晚將暖水放入保溫杯,第二朝起身就唔飲凍咗嘅水啦 (雖然飲凍水會即時醒晒XD)。

Continue reading 減少冬季賴床的5個貼士

男士冬日護膚貼士

講起今年冬天,你或者會覺得它有點眺皮,當你埋怨氣溫仍是2字頭,冬天衣物派不上場時,隔天氣溫卻突然驟降得令你招架不住,雖說這個冬天不天冷,作為一個注重儀容的男士,護膚功夫是不可忽略的,不妨參考下列冬日護膚貼士:

溫和清潔
不少男士對於皮膚清潔都不太注重,認為簡單、快捷便足夠,手拿起一塊肥皂就可用來洗面皮膚,然而冬天時皮膚的油脂分泌會大大減少,且容易乾燥脫皮,若沒有足夠的潤膚,使用肥皂清潔對皮膚造成的傷害會更大。此外,不要為求貪圖快捷而在洗澡時順道用熱水洗面,因為愈乾燥的天氣會令水份蒸發更快,皮膚更易缺水而乾燥痕癢。

重點部位
雖然冬天空氣乾燥令皮膚水份減少,然而重點部位如T字位,亦需進行適當清潔,以免油脂及污垢積聚。洗面時可重點在額頭、鼻翼兩側位置輕輕按摩,只須簡單地由上而下、由內而外地旋轉打圈按摩。而由於普遍男士的毛孔較為粗大,因此在有關位置可做稍為深層的清潔和按摩。

Continue reading 男士冬日護膚貼士