Tag Archives: 穿搭

一件「稱身」的Polo

各位事業型嘅男士們,平日返工日日都西裝上陣,唔知平日放假你地又會著啲咩呢? 根據我嘅目測,Polo衫絕對係一衆男士們嘅大愛!但唔講你唔知,原來簡單一件polo衫都有好多學問,點樣選擇一件適合自己嘅polo都唔係咁容易,等我地一齊睇睇啦!

  1. 注意閣下嘅屁股
    唔知各位有冇留意一般Polo衫背面都會比起前面長一少段,咁你又知唔知原因呢? 原來Polo最初嘅設計係想方便大家懾衫嘅時候唔會咁容易甩出黎,但時至今日當然已經唔會有人懾Polo Shirt,所以大家選購Polo嘅時候,切記要注意背面嘅長短,最好不要遮蓋整個屁股。

     

  2. 衣領很重要!
    好多人買衫都會有自己偏愛嘅衣領款式,例如圓領/V領/高領等,原來衣領亦有分合適不合適。至於選購Polo衫,我有一個小小嘅tips比大家,當大家扣起Polo的鈕口後,其衣領應剛剛可貼服地貼在脖子上,那就是完美的衣領!當然過緊或過鬆亦不可!

     

  3. Polo的成敗就在衣袖
    一件傳統嘅Polo衫對於袖子的要求是非常嚴格的!先撇除潮牌故意製造嘅oversize,一件經典嘅Polo衣袖應當要貼服著手臂,即使不能完全貼服,亦不能差太遠。另一講究的學問就是長度,完美的衣袖應到二頭肌的正中位置或更短亦可。

     

  4. 針織Polo要小心
    針織衣物穿起來會令人看起來更胖一點,所以如果非要選擇針織的你就要小心!黎個時候要留意下身嘅配搭,盡量避免低腰褲!中腰款式會較爲適合,應該剛好遮蓋平時佩戴皮帶嘅位置更好看。

     

  5. 細節越多越難Carry
    深色、白色、甚至乎單色嘅Polo衫都可以話係百搭,如果想挑戰自己嘅朋友可以選取一啲有些小detail嘅Polo (例如條紋,花紋等)。唯一的原則就是深色底色的Polo會較爲好看,而最難Carry嘅款式莫過於刺綉款色!

     

睇完以上小tips之後,有信心嘅朋友們就可以試下自己配搭,創造出自己嘅風格!唔擅長配搭嘅朋友亦都唔需要擔心,只要謹記以上5個tips就no problem啦!

色彩心理學令你輕鬆增加面試官好感

農曆新年同情人節都過左,係時候係事業上繼續拼博啦。有人會選擇留係原公司努力,有唔少人就會選擇轉新工,有個新出發。面試成功係好關鍵嘅元素。正所謂“人靠衣裝”,面試時著嘅服裝其實已決定左面試官對你嘅第一印象。不過唔好以為揀岩款就夠,原來揀岩色都好重要!

首選藍

根據美國招聘網站CareerBuilder嘅統計,藍色西裝係最多打工仔嘅選擇,亦係所有顏色中最安全嘅,特別係早前好流行嘅海軍藍,俾到人一種正直誠懇,有自信嘅感覺。你唔清楚實質工作係咩時,可選擇藍色系,增加面試官嘅好感。但係如果你見嘅係一啲需要創意嘅行業,例如設計師及作家,就可能要選擇其他活潑啲嘅顏色,或者係藍色加上亮色系嘅配件,減緩藍色過於穩重嘅感覺。

https://www.pinterest.com

Continue reading 色彩心理學令你輕鬆增加面試官好感

T-shirt的選擇及穿搭學問

T-shirt質料舒服,款式千變萬化又易襯,相信大家衣櫃閒閒地都會有番十件八件打定底。雖然T-shirt非常之Common,但都唔可以忽視當中嘅選選穿搭學問,以下分領口、長度、質料同顏色四方面為大家介紹:

領口
基本上T-shirt領口分圓領及V領兩種,普通開口至鎖骨位置,視乎個人喜好選擇,之不過V領又有深淺之分,即係平時俗稱嘅Deep V,齋著的話sexy得嚟需要有番咁上吓吉士先carry得起!因此深V領多數用於Shirt衫打底,令唔扣鈕時都唔會令打底衫外露咁難睇!

長度
T-shirt長度嚟嚟去去都係差唔多?近年流行嘅嘻哈風長T-shirt亦係唔少潮男嘅所愛,不過身高相對冇咁佔優嘅男士們就要留意大細同長度,小心唔好因為過長而暴露缺點。

https://ae01.alicdn.com/kf/HTB1ilM6LpXXXXcYXXXXq6xXFXXXs/2016-font-b-brand-b-font-clothing-extra-length-t-shirt-fitness-font-b-tall-b.jpg

Continue reading T-shirt的選擇及穿搭學問