Tag Archives: 約會

尋回「初戀」的億記

唔知講起初戀大家會回想起啲咩呢? 初次約會嘅地點? 約會行程? 衣著打扮? 定係對方嘅甜言蜜語呢? 相信講到約會,大家都會有一種由心而發嘅甜蜜,但係二十世紀拍拖黎黎去去唔係行街、睇戯就係食飯。不如今次一齊黎回憶當初,細數80年代嘅5大拍拖勝地啦!
80年代之單純的愛!

80年代嘅情侶發展並沒有像二十世紀的情侶來得自然及開放,當年如果唔洗“奉父母之命,媒妁之言”已經算好幸運啦!當時基層市民嘅娛樂以低消費活動爲主,對於我地以家必有嘅食飯環節,原來並非必然。一齊睇下以下呢啲地方你地去過未?

  1. 冰果室
    金城冰果室
    原來冰果室竟然係80年代中熱門拍拖勝地嘅第一位!所謂嘅冰果室就係以前橫街窄巷裏面嘅小店,專食水果配料冰品。隨著時間嘅變遷,取而代之的是越嚟越多嘅韓式刨冰。炎炎夏日,情侶們再熱都要拖下手仔,你一啖我一啖,兩個人共享一杯透心涼嘅水果冰,真係既消暑又甜蜜呀! 
  2. 公園
    186000_para_retro_park_liscie_jesien
    相信公園係每個人心目中都載有從小到大嘅回憶,不單止係兒時奔跑嘅地方,長大後更變成情侶們熱門拍拖勝地嘅第二位!由於80年代嘅人消費能力普遍不高,所以公園就成爲一個不二之選!不過原來去公園拍拖都有季節之分,天涼嘅時候,一個經典嘅約會就係兩個人靜靜地牽著手散步,或坐在草坪上望著滿天星星嘅夜空。 
  3. 宿舍
    bfb12f386ba64d8
    估唔到宿舍係80年代已經係情侶拍拖勝地排行榜榜上有名!那些年每晚都唸辦法逃過舍監嘅法眼,誓要衝破男女宿嘅界限、夜晚點名嘅時候用盡洪荒之力將另一半藏係房間内,呢一切都係既美好又滴汗嘅回憶呀。 
  4. Continue reading 尋回「初戀」的億記

今個三月不再”獨”

閃光彈出沒請注意! 情人節啱啱先過咗一個月都唔夠,話咁快又到白色情人節啦! 想轉守為攻? 咁就要學識以下5招冧掂女神啦!

  1. 微笑是最好的武器
  2. 45180200 - young man smiling
    不論係見到女神定係陌生人,第一印象都係非常重要,所以輕輕一個微笑就係最好嘅武器! 一個親切嘅笑容加上一個有意無意嘅眼神不單止可以溫暖到女神嘅心,仲會直接影響到對方想唔想同你繼續交談嘅意願!

  3. 展現自信的神情
  4.  
    一個有自信嘅男人真係魅力無法擋! 真正的自信除咗講嘢唔可以瑟縮之外,仲要識得欣賞女人的優點同埋給予肯定。不過記得要分清楚自信同自我,千萬不要自信過頭,否則弄巧反拙!

    Continue reading 今個三月不再”獨”

風度男士Fine Dine約會前須知

對大部分女性嚟講,有風度嘅男士當然會加唔少印象分,如果想約會心儀女性,fine dining絕對係你展示gentlemen一面嘅時候,之不過約會前記得學識以下餐桌禮儀及注意事項,自然就唔怕失禮又失威!

禮讓Lady First
Lady First係基本社交禮儀,準備入餐廳時幫手開們讓女士先入,幫女生拉櫈甚至係讓女方先落單等等,只係小小舉動經已能夠show到紳士風度,唔識做就認真要抵打!

注意儀容
話明係fine dine當然要執得試試正正,尊重場合,保持儀容服飾乾淨企理,拖鞋涼鞋就絕對係大忌。

枱面乾淨
餐枱只係用嚟擺放餐具同食物嘅位置,一切個人物品,特別係容易令人分心嘅手機都係擺番落袋啦。

對侍應有禮
話晒去到高級餐廳食飯,落茶餐廳嗰種截然不同嘅豪邁落單方式一定要收起,落單嘅時候千祈唔好粗魯大叫waiter又或者指指點點。

點餐量一致
為免出現尷尬局面,要確保點餐量數同對方一致,千祈唔好因為想慳荷包就只點少量嘅食物,食物數量少過女方仲會令對方有壓力錯覺自己食量大或者貪心,所以一定要留意番!

了解餐巾位置
食飯時將餐巾擺放大脾之上,記住無須要好似口水肩咁掛喺領口前,至於要離開座位嘅話餐巾可以放喺櫈上,到最後離開餐廳就可以摺好整齊放喺餐碟旁邊。

邀請者作客
如果你身為約會飯局嘅邀請者,就盡量唔好要對方拎荷包出嚟,特別係約會心儀女仔的話就更加應該大方請客以示誠意。