Tag Archives: 貼士

一件「稱身」的Polo

各位事業型嘅男士們,平日返工日日都西裝上陣,唔知平日放假你地又會著啲咩呢? 根據我嘅目測,Polo衫絕對係一衆男士們嘅大愛!但唔講你唔知,原來簡單一件polo衫都有好多學問,點樣選擇一件適合自己嘅polo都唔係咁容易,等我地一齊睇睇啦!

  1. 注意閣下嘅屁股
    唔知各位有冇留意一般Polo衫背面都會比起前面長一少段,咁你又知唔知原因呢? 原來Polo最初嘅設計係想方便大家懾衫嘅時候唔會咁容易甩出黎,但時至今日當然已經唔會有人懾Polo Shirt,所以大家選購Polo嘅時候,切記要注意背面嘅長短,最好不要遮蓋整個屁股。

     

  2. 衣領很重要!
    好多人買衫都會有自己偏愛嘅衣領款式,例如圓領/V領/高領等,原來衣領亦有分合適不合適。至於選購Polo衫,我有一個小小嘅tips比大家,當大家扣起Polo的鈕口後,其衣領應剛剛可貼服地貼在脖子上,那就是完美的衣領!當然過緊或過鬆亦不可!

     

  3. Polo的成敗就在衣袖
    一件傳統嘅Polo衫對於袖子的要求是非常嚴格的!先撇除潮牌故意製造嘅oversize,一件經典嘅Polo衣袖應當要貼服著手臂,即使不能完全貼服,亦不能差太遠。另一講究的學問就是長度,完美的衣袖應到二頭肌的正中位置或更短亦可。

     

  4. 針織Polo要小心
    針織衣物穿起來會令人看起來更胖一點,所以如果非要選擇針織的你就要小心!黎個時候要留意下身嘅配搭,盡量避免低腰褲!中腰款式會較爲適合,應該剛好遮蓋平時佩戴皮帶嘅位置更好看。

     

  5. 細節越多越難Carry
    深色、白色、甚至乎單色嘅Polo衫都可以話係百搭,如果想挑戰自己嘅朋友可以選取一啲有些小detail嘅Polo (例如條紋,花紋等)。唯一的原則就是深色底色的Polo會較爲好看,而最難Carry嘅款式莫過於刺綉款色!

     

睇完以上小tips之後,有信心嘅朋友們就可以試下自己配搭,創造出自己嘅風格!唔擅長配搭嘅朋友亦都唔需要擔心,只要謹記以上5個tips就no problem啦!

職場小貼士

上禮拜返一日放一日,相信大家都同我一樣放假放到心都散埋。不過黎緊除左端午節之外,要放紅假就要等到10月份啦,所以今日就同大家分享下職場小貼士等大家返工都返得開心啲(好似係)。

    第一式: 真切嘅笑容
    47944152_s雖然返工對住班腦細們都好難笑得出,不過如果唔想被捲入無謂嘅辦公室政治,咁我就建議你首先要對住班「事非精」笑笑說說,打好關係。但笑容又唔需要太假,只需要係適當嘅時候比對方一個至少保持2秒嘅笑容就足以可以讓你遠離事非。

     
    第二式:眼神接觸
    how-to-keep-a-conversation-going-with-a-guy-004-avoiding-eye-contact-hand不論係同上司、同事開會定係大家一齊食飯閒聊嘅時候都應該多一點眼神接觸。係工作嘅討論上,適當嘅眼神接觸可以令對方感覺到你對事情嘅肯定,除此之外仲可以製造一個樂於聆聽及認真思考嘅感覺,尤其係腦細面前係非常重要的!相反,如果眼睛經常閃避,看起來就似係做咗虧心事。

     
    第三式:挺起胸膛
    59886054 - portrait of confident businessman in suit outdoors
    之前都講過好多次,有自信嘅男人就係最有魅力。挺起胸膛,正正可以令人望落有一副胸有成竹嘅外表,相當有自信。這種人最容易取得上司嘅信心,將重要嘅工作都交比你,自然係公司嘅地位亦會慢慢提升。

     
    第四式:冷靜應對
    27715526 - man wearing a suit with the text keep calm in his hand打工一族每日都要面對一堆突如其來嘅事,面對住呢啲「突發」記得要保持冷靜!係同事或者上司面前過分緊張很容易會被對方感覺到。所以以後遇到突發事情記得要冷靜,保持頭腦清醒自然會唸到方法應對,發揮領袖嘅角色啦!

學識以上嘅職場小貼士咁就少啲煩惱,同同事之間嘅相處亦都融洽啲啦!正所謂多一個朋友好過多一個敵人,想平平穩穩就要遠離無謂嘅辦公室政治啦!

減少冬季賴床的5個貼士

踏入冬季低溫天氣影響下,成個人都彷彿進入冬眠狀態,感覺做任何事都提唔起勁,唯一只想做嘅就係喱喺暖笠笠嘅被窩入面,享受與床纏綿嘅溫暖。無論有幾難捨難離,時候到了終須一「起」!覺得朝早起身好痛苦?以下5個貼士或者可以幫到你。

訓前飲水
每晚臨訓前飲少少水,朝早會因為有尿意而非起身不可,俗稱「尿鐘法」,不過呢個方法對於身體忍受力特別強嘅朋友們就未必啱用喇。為免出現水腫問題,一般只需要飲半杯水就足夠。

http://media.gettyimages.com/videos/man-drink-water-video-id476285274?s=640x640

床頭放杯水
訓醒飲啖水令身體得到滋潤,五臟六腑都會清醒啲。建議前一晚將暖水放入保溫杯,第二朝起身就唔飲凍咗嘅水啦 (雖然飲凍水會即時醒晒XD)。

Continue reading 減少冬季賴床的5個貼士